جمعه 29 سرطان، 1397

ملی اردو کوچلری عملیاتلری نتیجه سیده قوراللی گروهلردن 24 کیشی هلاکتگه اوچره‌دی

اردوی ملی

ملی مدافعه وزیرلیگی بیر خبرنامه آرقلی ترقتگن خبریگه کۉره، اۉتگن 24 ساعت آقیمیده ملی اردو کوچلری تامانیدن عملگه آشیریلگن علیحده عملیاتلر نتېجه‌سیده قوراللی گروهلردن 17کیشی اۉلگن و 7 کیشی یره‌لنگن.

خبرنامه بۉییچه، مذکور عملیاتلر هرات، خوست، هلمند و قندوز ولایتلریده عملگه آشیریلگن و قوراللی گروهلرگه آغیر ضربه بېریلگن. شونگه اۉخشش عملیاتلر جریانیده عصیانکارلردن بیر کیشی 9ته ماین بیلن اۉشلنگن.

انه شوحالده ایچکی ایشلر وزیرلیگی بیر خبرنامه آرقلی، اۉتگن 24 ساعت جریانیده ملی پولیس کوچلری تامانیدن عملگه آشیریلگن تورلی خیل عملیاتلرده قوراللی گروهلر آرقه گه چېکلنتیریلگن و بیر عصیانکار هم قۉلگه توشگن.

اوشبو عملیاتلر هرات، هلمند، کنر، پکتیا، غزنی، فراه، قندز، تخار، بدخشان، سرپل، میدان وردک، ارزگان و قندهار ولایتلریده ملی اردو و ملی خوفسیزلیک کوچلری نینگ همکارلیگی بیلن اۉیشتیریلگن.

عملیاتلردن هدف، منطقه نی قوراللی گروهلر فعالیتلریدن تازه‌لش و خوفسیزلیک نی تامینلش بۉلیب نتېجه ده قوراللی گروهلرگه زیان اېتکزیلگنیدن تشقری اولرگه تعلقلی قورال ـ اسلحه لر خوفسیزلیک کوچلری قۉلیگی گه توشگن.

شونگه اۉخشش دایکندی، میدان وردک، خوست، بادغیس و هلمند ولایتلریده 9 ته ماین ملی پولیس کوچلری نینگ قۉلیگه توشگن.

قیسقه مطلب نی بیلیش اوچون:
http://markazipress.com/uz/?p=1136

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

مركزي ينگي ليك لر - © 2018