یکشنبه 31 سرطان، 1397

بلاغتگه اېتیشمه‌گن قیزلرنی تورموشگه چیقَیریش دولتگه کتته خطر

شیما

عیاللرگه نسبتن زوره وانلیکلر مېزانی آشگنی دوامیده بلخ ولایتیده بلاغتگه اېتمه‌گن 10 یاشلی بیر قیزباله 10 یاشلی بیر باله گه تورموشگه چیقیریلگن.

مذکور قیزباله نینگ آته سی غوث‌الدین سۉزلریگه کۉره، باله و قیز نینگ عایله لری اوشبو تورموش عملگه آشیریلیشیگه راضی‌لیک بیلدیریب نکاح مراسمی نی بجرگنلر.

اۉن یاشلی شیما، نورالدین ناملی بیر باله گه نکاح اېتیب اوزتیلگنیدن کیین اۉز عایله سینیگه کېلگنیده قیته اېری نینگ اۉیگه کېتیشگه کونگیلی بۉلمه گن.

غوث‌الدین نینگ آتیقلشیچه اوشبو نکاح ایککیله تامان اۉز ارا کېللیشووی و شاهدلر، وکیللر ملام امام اشتراکی بیلن باغلنگن.

شیما، مکتبده 3ـ صنف نی بتیریب تورتنچی صنفگه قدم قۉییگن و عاموی اخبارات واسطه لری بیلن صحبتلگنیده تورموشگه چیقیش حقیده هیچ نرسه نی بیلمسلیککه اورغووله گن. بیلمی نی بیتریب اولغی گنیدن کیین تورموشگه چیقیشگه قرار آلیشیگه تاکیدله گن.

آنه‌سی نینگ ایتیشیچه، شیما نینگ قه‌یین آته‌سی امکی‌سی بۉلیب شولگره ولسالیگیده حیات کیچره یاتگن اېکن. شیما نینگ کتته اکه‌سی امکی‌سی نینگ قیزی بیلن تورموشگه چیقیشی اوچون شیما هم اونینگ اۉغلی بیلن نکاح اېتیشی لازم بۉلگن.

شیما قوشنی‌سی و همده عالی اۉقووتی استادی محمدیاسین احسان نینگ ایتیشیچه، بوندن نیچه مدت آلدین شیما نینگ کتته اکه‌سی، امکی‌سی نینگ قیزی بیلن قاچیت نکاح قیلگنی سبب ایککیله تاماندن شیما اونینگ اۉغلی بیلن تورموشگه چیقیشی بیلن قبول قیلیشگه قرار قبول کیلگن بۉلگنلر.

قیسقه مطلب نی بیلیش اوچون:
http://markazipress.com/uz/?p=980

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

مركزي ينگي ليك لر - © 2018