یکشنبه 31 سرطان، 1397

بادغیس ولایتیده عیاللرگه قرشی زوره‌انلیکلر میزانی آشگن

خشونت

اولکه نینگ غربیده جایلشگن بادغیس ولایتی نینگ عیاللر ایشلری بویچه باشقرمه سی رسمیلری، اوشبو ولایتده عیاللرگه قرشی زروه‌انلیکلر و قوپال حرکتلر میزانی آشگنیدن خبر بیردیلر.

اوشبو ولایت عیاللر ایشلری بۉیچه باشقرمه سی سرپرستی زرغونه شیرزاد نینگ ایتشیچه، جاری ییل باشیدن حاضرگه قدر اوشبو ولایتده عیاللرگه قرشی 100حادثه رویخطگه آلینگن. قانونی یاشی تولدرمه گن قیزلرنی وقتدن آلدین تورمیشگه چیقاریش، نفقه بیرمه بیرمه گنلیک و کلتکلنیشی زوره‌انلیکلردن عبارت بۉلگن.

اوشبو ولایت عیاللر ایشلری بۉیچه باشقرمه سی سرپرستیگه کوره، اوتگن ییل جریانیده عیاللرگه قرشی 85حادثه رویخطگه آلینگن ایدی، بیراق جاری ییل اوشبو رقم میزانی یۉقار آشگن.

رسمیلرگه کوره، مذکور حادثه لردن 15وقتدن آلدین تورمشگه چیقاریش و20 سی ایسه زوردن تورمشگه چیقاریش کبی مسئله لردن دیر.

انه شوحالده بادغیس ولایتی ولایت کېنگشی اعضالری، اوشبو ولایت نینگ اوزاققه توشگن ولسواللیکلری جمله دن جوند و قادس ولسواللیکلریده عیاللرگه قرشی زوره‌انلیکلرگه چېک قویشگه توزیلگن رېجه لر قولنمه گنی سبب عیاللر وضیعتی خواطرلنرلی یاد ایتدلر.

بوندن نېچه کون آلدین اوشبو ولایت حدودلریده بیر عیال اولیگی قولگه توشگنیدن خبرلر ترقه تیلگن ایدی.

قیسقه مطلب نی بیلیش اوچون:
http://markazipress.com/uz/?p=705

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

مركزي ينگي ليك لر - © 2018