یکشنبه 31 سرطان، 1397

امریکا مدافعه وزیری: افغان خوفسیزلیک کوچلریگه تعلیمات بیریش و مصلحت بیریش اساسی ماموریتلریدن یاد ایتدی

امریکا

افغانستانده امریکا قوشمه ایالاتلری مدافعه وزیری، بوندن سونگ افغان خوفسیزلیک کوچلریگه تعلیمات بیریش و مصلحت بیریش اساسی ماموریتلریدن بولیشی استیده تاکیدله دی.

امریکا مدافعه وزیری، جمهوررئیس محمد اشرف غنی بیلن اوچره شگنیدن سونگ، قندهار ولایتیده ماموریتده بۉلگن عسکرلری بیلن اوچره شیش نیتده اوشبو ولایتگه سفر اۉیشتردی و افغان خوفسیزلیک کوچلریگه تعلیمات بیریش و مصلحت بیریش اساسی ماموریتریدن بولگنی استیده تاکیدله دی.

امریکا مدافعه وزیری، افغان خوفسیزلیک کوچلری قوراللی طالب لرگه قرشی کورشیش کوچیگه ایگه بولگنی استیده تاکیدله دی .

امریکا قوشمه ایالاتلری سابق جدولی یوزه سیدن جاری میلادی ییل اخیریده امریکالیک کوچلر قندهار ولایتیدن چیقیشلری رېجه لنگن بۉلیب، بیراق مذکور رېجه قیته کوزدن کېچریلیب اوشبو کوچلر بیرقسمی افغانستانده قالیشی کوتیله دی.

یو ای ای تودی خبرلیک آژانسیدن ترقه تیلگن خبرلرگه کوره، کیله سی آیی جریانیده جمهوررئیس برک اوبه مه جمهوررئیس محمد اشرف غنی احمدزی بیلن آق اویده اوچره شیب صحبتله یشی ممکن.

میلادی 2016- ییل اخریده ناتو کوچلری افغانستانی بوتکل ترک اېتشلریگه قرار آلینگن ایدی، بیراق جمهوررئیس اشرف غنی امریکا کوچلری افغانستانی ترک اېتشلریگه توزیلگن رېجه قیته کوزدن کېچرلیشیگه تاکیدلب کیلماقده.

سیاسی ایشلر بویچه بیرقطار ایش بیلرمانلر، افغان خوفسیزلیک کوچلری قوراللی طالب لر قرشی سیده کوره شیشگه قادر بولمه‌ی کیله سی نیچه ییلگه قدر خلق ارا کوچلری همکارلیکلریگه ضرورت سیزیله دی دېب تاکیدله یدلر.

 

قیسقه مطلب نی بیلیش اوچون:
http://markazipress.com/uz/?p=1175

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

مركزي ينگي ليك لر - © 2018